مقدمة سفر التكوين الفصل 6 إيلين 11
يبدا الفصل 6 بموضوع الطوفان اللي رسله مولانا اعلى لارض ياك يطهرها من خطايا الناس ويكتل الناس الشريرة اللي كانو يبطشو فلارض. عاڮب يلين جا الطوفان، انشوفو فالفصل 7 اعلن مولانا ظهر رحمتو للنبي نوح والمخلوقات لخرين يلين اطلب مولانا من النبي النوح اعلنو يبني سفينة ويدير أزواج المخلوقات كاملين ياك يرجعو ويتكثارو ويعيشو بصورة طبيعية عاڮب الطوفان .
الفصل 8 نڮراو فيه اعلن عاڮب الطوفان شاف النبي نوح عظمة مولانا وكرمو للمخلوقات والبشر. واڮيظ النبي نوح وڮدم قربان ياك يشكر مولانا. الفصل 9 نجبرو فيه العهد اللي عدل مولانا امع البشر عاڮب يلين خرب الطوفان لارض .
الفصل 10 و11 ينعتنو الطريقة اللي ظهرو بيها الأُمم والشعوب فالعالم وبسيمحالة ظهرو للغات وانتشرو امبين شعوب العالم.
هاذو الفصول من 6 يلين 11 هي فصول نتعلمو منهم رحمة مولانا للمخلوقات واعلن مولانا مهما اغضب اعلى الناس الشرار، يظل دايما محب ورحيم للبشر. نتعلمو املي طاعة النبي نوح لمولانا وشكرو لو بتقديم لو قربان كيفت نوع من الإمتنان لمولانا .
مولانا هوا إله محب ورحيم بكل البشر والمخلوقات يغير فنفس الوقت إله عادل ويعاقب الشرار اعلى خطاياهم.
